Hökumətin elan etdiyi və sentyabr ayında başlayacaq təcrübə proqramı 3 000-dən çox vakansiyanı əhatə edəcək

Baş nazirin təşəbbüsü ilə həyata keçirilən və sentyabr ayında elan olunacaq təcrübə proqramı 3 000-dən çox vakansiyanı əhatə edəcək. Bu barədə Gürcüstan Hökumət Administrasiyasının rəhbəri Levan Jorjoliani bildirib.
Onun sözlərinə görə, təcrübə proqramında iştirak edən tələbə və məzunlar həm nəzəri biliklərini dərinləşdirmək, həm də praktiki təcrübə əldə etmək imkanı qazanacaqlar. Bu isə onların gələcək peşəkar inkişafı baxımından mühüm əhəmiyyət daşıyır.

“Vacibdir ki, bizim müraciətimiz əsasında regionlardakı bələdiyyələr təcrübəçilər, məzunlar, magistratura tələbələri və magistratura məzunları üçün əlavə vakansiyalar yaradıblar. Bununla gənclər öz regionlarında, öz bələdiyyələrində təcrübə keçmək və təcrübə qazanmaq imkanı əldə edəcəklər.

Bu, çox mühüm proqramdır. Çünki tələbə və məzunlar həm nəzəri biliklərini dərinləşdirmək, həm də praktiki təcrübə əldə etmək imkanı qazanacaqlar ki, bu da onların gələcək peşəkar inkişafı üçün olduqca vacibdir”, – deyə Levan Jorjoliani bildirib.