Hökumət Gürcüstanın basketbol yığmasına əldə edilmiş uğura görə üç milyon lari ayıracaq, həmçinin əldə edilmiş hər uğura görə əlavə üç milyon lari ayrılacaq – bu barədə Gürcüstanın Baş naziri İrakli Kobaxidze deyib.

Kobaxidze bugünkü hökumət iclasında basketbolçuları tarixi uğur münasibətilə təbrik edib.

“Basketbolçuları təbrik etmək istərdim. Tarixi nəticə əldə etmişik və bu nəticəni hökumət tərəfindən müvafiq pul mükafatı ilə də qeyd etmək istəyirik. Düşünürük ki, üç milyon lari artıq əldə edilmiş uğura görə ayrılmalıdır və “EuroBasket”də qazanılmış hər sonrakı oyuna görə həmçinin üç milyon lari təyin edəcəyik. Əldə olunmuş nəticəyə görə üç milyon lari və əldə olunmuş hər uğura görə üç milyon lari. Belə mükafat təyin olunacaq” – Kobaxidze bildirib.

“EuroBasket 2025” | Gürcüstanın yığması Fransanı məğlub etdi və turnirin 1/4 finalına yüksəldi.