Hökumət Administrasiyasının məlumatına görə, hökumət parlamentə Milli Təhlükəsizlik Şurasının ləğv edilməsi ilə bağlı qanunvericilik təşəbbüsü ilə müraciət edib.

Administrasiyanın bildirdiyinə görə, Milli Təhlükəsizlik Şurasının səlahiyyətlərini Gürcüstan hökuməti həyata keçirəcək.

“Hazırlanmış dəyişikliklərə əsasən, Milli Təhlükəsizlik Şurası 2025-ci il sentyabrın 1-dən ləğv ediləcək və onun səlahiyyətlərini parlament idarəetmə modeli əsasında Gürcüstan hökuməti həyata keçirəcək. Parlamentin razılığı halında, müvafiq dəyişikliklər ‘Milli təhlükəsizlik siyasətinin planlaşdırılması və koordinasiya qaydaları haqqında’ Gürcüstan qanununa daxil ediləcək. Dəyişikliklərə əsasən, Milli Təhlükəsizlik Şurası Aparatının ləğvi məqsədilə ləğvetmə komissiyası yaradılacaq. Onun tərkibini, fəaliyyət qaydasını və səlahiyyətlərini Gürcüstan hökuməti müəyyən edəcək. Şura Aparatının aktivləri, o cümlədən Milli Situasiya Otağının fəaliyyətinin təmin edilməsi ilə bağlı səlahiyyətlər, ləğvetmə komissiyası tərəfindən müvafiq qurumlara ötürüləcək,” – deyilir administrasiyanın açıqlamasında.