İran tərəfindən dəstəklənən “Hizbullah” qruplaşmasında “İsrailin Livanda onlarla şəhər və qəsəbəni bombalayan cinayətkar təcavüzünə cavab olaraq” İsrailin üç hərbi obyektinə hücum etdiklərini bildirirlər.

Bu haqda məlumatı “BBC” yayır.

Medianın məlumatına əsasən, “Hizbullah”da Qolan təpələrindəki Nafah bazasına “böyük raket yaylım atəşi zərbəsi” endirdiklərini bəyan edirlər.

Bundan başqa, qruplaşmada İsrailin şimalında yerləşən Meron və Ramat David hava bazalarına dronlarla hücum həyata keçirdiklərini bəyan ediblər.

İsrailin Hərbi Qüvvələri hələlik məsələ ilə bağlı şərh verməyib.

Bununla yanaşı, İsrailin Müdafiə Qüvvələrində Livanın sərhədində taktiki əməliyyat başlatdıqlarını bəyan ediblər və bu tədbirin Livan daxilində geniş quru əməliyyatının bir hissəsi olmadığını vurğulayıblar.