Pakistan tərəfindən Kəşmirin sərhədi boyunca, Hindistanın nəzarətindəki əraziyə həyata keçirilən hücum nəticəsində yeddi mülki vətəndaş həlak olub, 35 nəfər isə yaralanıb. Bu barədə məlumatı Hindistan polisi yayır.

Hindistan Müdafiə Nazirliyi həmçinin həyata keçirdikləri əməliyyatdan danışıb. Onların məlumatına əsasən, “Sinduri” adlanan əməliyyat yerli vaxtla saat 01:05-dən 01:30-a kimi 25 dəqiqə boyunca davam edirdi. Pakistandakı “Lashkar-e-Tayyiba” təşkilatının terror infrastruktur obyektləri hərbi zərbələrin hədəfi olub.

Qurumda izah etdikləri kimi, bu, 1971-ci ilin müharibəsindən sonra Hindistan tərəfindən Pakistan ərazisinə edilmiş ən uzaq zərbədir.

Hindistan Xarici İşlər Nazirliyinin nümayəndəsi Pakistanı apreldə Kəşmirin Hindistanın nəzarətində olan hissəsində mülki vətəndaşlara hücum etməkdə günahlandırıb və İslamabadı mübahisəli bölgədə terrorizmi dəstəkləməkdə ittiham edib.

“Hücumlardan iki həftə keçməsinə baxmayaraq, Pakistan tərəfindən öz ərazisində və ya onun nəzarətindəki ərazidə mövcud terror infrastrukturuna qarşı tədbirlər görmələrinə dair nümayiş etdirilən addım olmayıb” – Hindistan Xarici İşlər Nazirliyinin nümayəndəsi bildirib.

Bununla yanaşı, bəyanatda qeyd olunub ki, əməliyyat zamanı heç bir hərbi obyektə ziyan dəyməyib və Pakistanda mülki itkilər barədə məlumat yoxdur.