Seçki qərargahı prezidentin baş nazirliyə namizədi irəli sürə bilməməsini ört-basdır etmək üçün yaradılıb. Seçki qərargahı nə deməkdir? İnsanlar istənilən yerdə toplaşıb nəticənin nə olacağını proyektorla izləyə bilər. Mən bundan başqa məzmun görmürəm – bu haqda “Qirçi”nin üzvü Herman Sabo bildirib.

“Seçkilər günü bu sarayda həmin gün baş verəcəkləri izləmək üçün koordinasiya platforması yaradılacaq” – deyə Salome Zurabişvilinin Orbelianebi sarayında verdiyi bəyanatla bağlı Herman Saboya sual verilib.

“Ola bilsin ki, bu, onun gənclərə keçin və referendum keçirin çağırışının davamıdır. Bilmirəm, zənnimcə qərargahın yaradılması prezidentin uğursuzluğunu ört-basdır etmək idi. Hamı ondan baş nazirliyə namizədin adını çəkəcəyini gözləyirdi və o, çıxıb nəsə dedi. Mən təsəvvür edə bilmirəm ki, prezident seçkilərin saxtalaşdırılmasının qarşısını necə ala bilər? – partiyalar bunu komissiya üzvləri və müşahidəçilərlə edə bilərlər. Prezident partiyalara deyə bilər, seçki günü gəlin, sizi qonaq edəcəm. Bilmirəm, bundan başqa hansı funksiyası var” – Herman Sabo bildirib.