“Həmas” bəyan edib ki, tərksilah razılaşmasının ilk mərhələsi İsrailin Qəzzadan hərbi qüvvələrini çıxarması ilə başlamalıdır

“Həmas” bəyan edib ki, tərksilah razılaşmasının ilk mərhələsinə İsrail başlamalıdır.

Qruplaşmanın nümayəndəsinin sözlərinə görə, ABŞ-ın vasitəçiliyi ilə əldə olunan razılaşma mərhələli şəkildə həyata keçirilməlidir.

Qruplaşma nümayəndəsi bildirib ki, razılaşmanın mətni hər iki tərəf tərəfindən təsdiqləndikdən sonra ilk mərhələnin icrasına İsrail başlamalıdır. Bu mərhələ Qəzza zolağından İsrail hərbi qüvvələrinin çıxarılmasını nəzərdə tutur.

“Həmas”ın açıqlamasına görə, bundan sonra, əgər İsrail razılaşmanı rəsmi şəkildə təsdiqləsə, qruplaşma öz silahlarını Fələstin Milli Komitəsinə təhvil verəcək.

ABŞ Prezidenti Donald Trampın sözlərinə görə, “Sülh Şurası” Qəzzada “Həmas” və bütün digər silahlı qrupların tam tərksilah edilməsi ilə bağlı tarixi razılaşmaya nail olub.