“Həmas” qruplaşması Qəzza sülh sazişinin rəsmi imzalanmasında iştirak etməyəcək. Tədbir 13 oktyabrda Misirdə keçirilməsi planlaşdırılıb. Bu barədə “Həmas”ın siyasi bürosunun üzvü Hüsam Bədran açıqlama verib.

Onun sözlərinə görə, “Həmas” danışıqlar prosesinə Qətərli və Misirli vasitəçilər vasitəsilə qoşulmuşdu.

Medianın qiymətləndirməsinə görə, bu addım qruplaşmanın diplomatik diqqətdən kənarda qalmaq niyyətinə işarə edir.

Qeyd etmək lazımdır ki, “Həmas” nümayəndələri ABŞ Prezidenti Donald Tramp tərəfindən irəli sürülən planın əsas bəndini – “Həmas” döyüşçülərinin silahsızlaşdırılmasını – də rədd ediblər.

Xatırladaq ki, Qəzza zolağında müharibəyə son qoymaq məqsədilə 13 oktyabrda Misirin Şarm əl-Şeyx kurortunda sülh sammiti keçiriləcək və bu tədbirdə 20-dən çox ölkənin lideri iştirak edəcək.