“Həmas” ABŞ-ın o ittihamlarını rədd edir ki, guya qruplaşmanın nümayəndələri Qəzzada humanitar yardım kolonunu qarət ediblər.

“Həmas tərəfindən idarə olunan Qəzza hökumətinin mediası bildirir: “ABŞ Mərkəzi Komandanlığının ittihamları yalandır, sahə sübutlarına malik deyil və sistemli dezinformasiya kampaniyasının bir hissəsidir””.

Qruplaşma bu bəyanatı ABŞ Mərkəzi Komandanlığının (CENTCOM) dronla çəkilmiş bir videonu yayımladıqdan sonra verdi. Videoda görünür ki, ehtimal olunan “Həmas” üzvləri yük maşınını qarət edirlər. CENTCOM-un açıqlamasında deyilir ki, ABŞ-ın rəhbərliyi altında fəaliyyət göstərən mülki-hərbi koordinasiya mərkəzi, hansı ki, İsrailin cənubunda Kiryat Gat şəhərində yerləşir, “Həmas”ın ehtimal olunan operativ üzvlərinin humanitar kolonun bir hissəsi olan və beynəlxalq tərəfdaşlar tərəfindən Qəzzanın şimalındakı Xan Yunis sakinlərinə çatdırılan yardım yükü daşıyan maşını qarət etdiyini qeydə alıb.

Kadrlarla bağlı ABŞ dövlət katibi də açıqlama verib. Marko Rubio qeyd edib ki, “Həmas” Qəzzada dinc əhalı üçün nəzərdə tutulmuş humanitar yardımı ələ keçirməyə davam edir. Onun sözlərinə görə, qruplaşma atəşkəs razılaşmasının qüvvəyə minməsindən sonra da öhdəlikləri pozur və Qəzza sektoruna daxil olan beynəlxalq humanitar yükləri yenidən mənimsəyir.