“Gürcü Arzusu” gürcüləri onlar tərəfindən seçilmiş Avro-Atlantik yoldan uzaqlaşdırır – bu haqda Helsinki Komissiyasının bəyanatında qeyd olunub.

Bəyanatda gürcü xalqının kütləvi müqavimətinə baxmayaraq, “Gürcü Arzusu”nun dünya avtokratları ilə inteqrasiyanı davam etdirdiyi deyilir.

“Gürcü Arzusu” gürcüləri onlar tərəfindən seçilmiş Avro-Atlantik yoldan uzaqlaşdırır və məqsədi demokratik dünya nizamını məhv etmək olan təcavüzkarların oxuna doğru sürükləyir.

Gürcü xalqının kütləvi müqavimətinə baxmayaraq, “Gürcü Arzusu” dünya avtokratları ilə inteqrasiyanı davam etdirir. İyunda Gürcüstanın Baş naziri Kobaxidze İranın Prezidenti Pezeşkiyanın andiçmə mərasimində iştirak etdi. Bu, “Gürcü Arzusu”nun İran və Gürcüstan arasında iqtisadi əlaqələri gücləndirməyə çalışmasından sonra baş verdi. Öz növbəsində, yayılmış məlumata əsasən, İrana bağlı qruplar “Gürcü Arzusu”nun kampaniyasını dəstəkləyirdilər və anti-qərb narativləri yayırdılar. Avqustda “Gürcü Arzusu” Çinlə strateji tərəfdaşlıq sazişi imzaladı. Hazırda Çin konsorsiumu Çinin “Bir kəmər, bir yol” təşəbbüsü çərçivəsində Anakliyada genişmiqyaslı dərin dəniz limanı inşa edir.

“Gürcü Arzusu” hakimiyyəti qoruyub saxlaya bilsə, partiya Gürcüstanı təkcə rus yiyəsi üçün deyil, həm də “Gürcü Arzusu”nun getdikcə daha çox yaxınlaşdığı Çin və İran üçün güc proyeksiyası və iqtisadi imkanlar məkanına çevirəcək” – bəyanatda qeyd olunub.