Hakan Fidan bildirir ki, Trampın hərəkətləri Avropa üçün ABŞ və NATO-dan müstəqil təhlükəsizlik sistemi yaratmaq üçün “oyanış zəngi” olmalıdır

Türkiyənin xarici işlər naziri Hakan Fidanın bəyanatına əsasən, ABŞ-nin Prezidenti Donald Trampın hərəkətləri Avropa üçün ABŞ və NATO-dan müstəqil təhlükəsizlik sistemi yaratmaq üçün “oyanış zəngi” olmalıdır. Hakan Fidan bu haqda “Financial Times”a müsahibəsində deyib.

Fidanın bəyanatına əsasən, NATO dağılacağı təqdirdə Ankara istənilən yeni Avropa təhlükəsizlik arxitekturasına qoşulmağa hazırdır.

“Cini şüşədən buraxıblar və onu geri qaytarmaq üçün heç bir yol yoxdur. Prezident Tramp qoşunları Avropadan indi çıxarmamaq qərarını versə belə, gələcəkdə oxşar baxışlara və siyasi ideyalara malik kimsənin Amerikanın Avropa təhlükəsizliyinə töhfəsini azaltmağı nəzərdən keçirəcəyi istisna edilmir” – Türkiyənin xarici işlər naziri bildirib.

Keçmişdə Türkiyənin kəşfiyyat rəisi vəzifəsində çalışmış Fidan bildirib ki, Avropa birləşməli və “öz ağırlıq mərkəzini yaratmalıdır”.

Məlumat üçün bildirək ki, daha əvvəl Türkiyənin Müdafiə Nazirliyində Ankaranın potensial sülh sazişini qorumaq üçün Ukraynaya hərbçi göndərməyə hazır olduğunu bəyan etmişdilər.