Gürcüstanın Milli Enerji və Su Təchizatı Tənzimləmə Komissiyası (SEMEC) elektrik enerjisinin yeni tarifləri ilə bağlı rəsmi məlumat yayır.

Gürcüstanın Milli Enerji və Su Təchizatı Tənzimləmə Komissiyasının məlumatına əsasən, MMC “TELMICO” və “EP Georgia Supply” SC üçün elektrik enerjisinin yekun istehlak tarifləri müəyyən edilib.

Xüsusilə, tariflər əhali üçün 5 tetri, müxtəlif kateqoriyalı kommersiya istifadəçiləri üçün isə orta hesabla 4–6 tetri artırılıb.

Yeni tariflər cari ilin aprelin 1-dən qüvvəyə minəcək.

MMC “TELMICO”

ƏDV daxil olmaqla məişət tarifi (əhali):

0-dan 101 kVt/saat daxil olmaqla _ 20.041 tetri/kVt.saat;

101 kVt/saatdan 301 kVt/saat daxil olmaqla _ 24.053 tetri/kVt.saat;

301 kVt/saatdan və çox_ 28.537 tetri/kVt.saat.

10–6-3.3 kV. (məişət istehlakçısı) _ 31.647 tetri/kVt.saat;

380-220 V. (kiçik müəssisələr) _ 35.261 tetri/kVt.saat;

Qeyri-məişət tarifi (kommersiya sektoru):

110-35 kv. _ 27.762 tetri/kVt.saat;

10–6-3.3 kv. _ 31.976 tetri/kVt.saat;

380-220 v. _ 35.261 tetri/kVt.saat;

“EP Georgia Supply” SC

ƏDV daxil olmaqla, məişət tarifi (əhali):

0 kVt/saatdan 101 kVt.saat daxil olmaqla və ümumi istehlak sayğacı olan_ 19.731 tetri/kVt.saat;

101 kVt/saatdan 301 kVt/saat daxil olmaqla _ 23.707 tetri/kVt.saat;

301 kVt/saatdan və çox_ 28.227 tetri/kVt.saat.

110–35 kv._ 30.322 tetri/kVt.saat;

10–6-3.3 kv. (məişət istehlakçısı) _ 32.880 tetri/kVt.saat;

380-220 v. (kiçik müəssisələr) _ 35.713 tetri/kVt.saat;

Həm idxaldan asılılıq, həm də elektrik enerjisinin satınalma qiymətinin artması tarifin artmasına əsasən təsir edib. Bununla yanaşı, tarif artımına investisiyaların həcmi də səbəb olur. Lakin yeni tarif dövrü üçün nəzərdə tutulan bu həcmdə investisiya paylayıcı sistemin mərhələli şəkildə tənzimlənməsini və elektrik enerjisinin kəsintilərinin azalmasını təmin etməlidir.

Yeni tariflər çərçivəsində qəza kəsintilərinin azaldılması və xidmət keyfiyyətinin yaxşılaşdırılması üçün, Gürcüstanın Milli Enerji və Su Təchizatı Tənzimləmə Komissiyası ilə razılaşdırılmış şəkildə elektrik paylayıcı şəbəkəyə misli görünməmiş həcmdə investisiyalar qoyulacaq. Nəticədə əhali daha yaxşı elektrik təchizatı ilə təmin olunacaq və tez-tez baş verən kəsintilər aradan qalxacaq.

“Energo Pro Georgia” SC 2026–2030-cu illər ərzində ildə orta hesabla 200 milyon lari investisiya qoyacaq – ümumilikdə isə 1 milyard lariyə qədər. Bununla yanaşı, şirkət, üçüncü tərəfin maliyyələşdirməsi ilə üç il ərzində paylama şəbəkəsinə əlavə olaraq ümumilikdə 129 milyon lari investisiya qoyacaq ki, bu da istehlakçı tarifində əks olunmayacaq.

“Telasi” SC tərəfindən növbəti beş il ərzində həyata keçiriləcək investisiyalar 400 milyon larini aşır. Tbilisidə planlaşdırılan bu investisiya həcmi 2025-ci ilin dekabr ayında Gürcüstanın Milli Enerji və Su Təchizatı Tənzimləmə Komissiyası tərəfindən razılaşdırılıb.

Ümumilikdə, növbəti illər ərzində elektrik enerjisi şəbəkəsinin yenilənməsi və xidmət keyfiyyətinin yaxşılaşdırılması məqsədilə 1,5 milyard laridən çox investisiya qoyulacaq. 1,5 milyard laridən artıq – investisiya elektrik paylayıcı şəbəkəyə ilk dəfə qoyulacaq və bu da qəza kəsintilərinin və elektrik təchizatı ilə bağlı mövcud problemlərin qısa müddətdə həll olunmasını nəzərdə tutur.

İnvestisiyaların həyata keçirilməsi ilə ümumilikdə paylayıcı şəbəkənin vəziyyəti yaxşılaşacaq, şəbəkəyə bərpa olunan enerji mənbələrinin problemsiz inteqrasiyası mümkün olacaq və bununla yanaşı, biznes sektoruna müxtəlif enerji layihələrini həyata keçirmək üçün əlavə imkanlar yaradacaq” – məlumatda qeyd olunub.