Gürcüstanın İsraildəki səfirliyinin binasına yaxın əraziyə mərmi düşüb – bu barədə məlumatı Gürcüstanın İsraildəki səfirliyi yayır.

Onların məlumatına əsasən, binaya ziyan dəyməyib və səfirlik fəaliyyətini davam etdirir.

“Gürcüstanın İsrail Dövlətindəki səfirliyi ölkədə mövcud təhlükəsizlik mühitini nəzərə almaqla, xüsusi rejimdə fəaliyyətini davam etdirir.

Bu gün Gürcüstanın səfirliyinin yerləşdiyi binaya yaxın əraziyə mərmi düşüb. Hadisə nəticəsində Gürcüstanın səfirliyinin binasına ziyan dəyməyib.

Diplomatik nümayəndəlik müvafiq xidmətlər tərəfindən təyin edilmiş təhlükəsizlik təlimatlarına əməl edir və fəaliyyətini davam etdirir.

Gürcüstan vətəndaşlarını yerli hakimiyyətin təlimatlarına əməl etməyə çağırırıq.

Yenilənmiş məlumatı almaq üçün səfirliyin səhifələrini izləyin:https://www.facebook.com/GeorgiainIsrael?locale=ka_GE  

Zərurət halında, Gürcüstanın İsrail Dövlətindəki səfirliyinin nömrələri ilə bizimlə əlaqə saxlayın: +972 526 919092; 24/7 qaynar xətt: +972 3 609 3206″ – Gürcüstanın səfirliyi tərəfindən yayılmış məlumatda deyilir.