Gürcüstanın İsraildəki səfirliyi –Mövcud vəziyyəti nəzərə alaraq, 12 iyun tarixinə qədər qüvvədə olan vizalar 30 sentyabra qədər avtomatik uzadılacaq

İsraildəki Gürcüstan səfirliyi İsraildə yaşayan Gürcüstan vətəndaşlarına müraciət edib.

Səfirliyin yaydığı məlumatda deyilir ki, təhlükəsizlik vəziyyətinə görə İsrailin Əhali və Miqrasiya Xidməti (PIBA), 2025-ci il 12 iyun tarixinə qədər qüvvədə olan vizalara malik və İsraildə qanuni şəkildə yaşayan əcnəbilərin vizalarının 2025-ci il 30 sentyabra qədər avtomatik uzadılmasını təmin edəcək.

“Mövcud təhlükəsizlik vəziyyətindən çıxış edərək, PIBA-nın (Əhali və Miqrasiya Xidməti) bəyanatına əsasən aşağıdakı məlumatı təqdim edirik:

Təhlükəsizlik şəraiti nəzərə alınaraq, İsraildə qanuni əsaslarla yaşayan və 2025-ci il 12 iyun tarixində qüvvədə olan viza sahibləri üçün vizalar 2025-ci il 30 sentyabr tarixinədək avtomatik şəkildə uzadılacaq.

Aşağıdakı viza növləri uzadılacaq:

İş vizası, B/1 növü (ümumi);

Turist vizası, B/2 növü;

Könüllü fəaliyyət vizası, B/4 növü;

Müvəqqəti yaşayış vizası, A/1 növü;

Tələbə vizası, A/2 növü (kənd təsərrüfatında ödənişli işlə məşğul olanlar istisna olmaqla);

Din xadimləri üçün viza, A/3 növü;

Ailə üzvləri üçün müşayiətçi viza, A/4 növü;

Müvəqqəti yaşayış vizası, A/5 növü;

DCO vizası – ailə birləşməsi və humanitar yardım məqsədləri üçün.

Zəhmət olmasa nəzərə alın ki, Əhali və Miqrasiya Xidmətinə fiziki olaraq müraciət etməyə ehtiyac yoxdur,” – deyə Gürcüstanın İsraildəki səfirliyinin yaydığı məlumatda bildirilir.