Gürcüstanın Hava Limanları Birliyi Kutaisi – Venesiya – Kutaisi marşrutu üzrə iki uçuş bileti üçün püşkatma keçirir. Püşkatma Kutaisi Beynəlxalq Hava Limanının rəsmi “İnstagram” səhifəsində keçirilir.https://www.instagram.com/kutaisi_airport/?hl=en  

İştirak etmək üçün istifadəçinin Kutaisi Beynəlxalq Hava Limanının rəsmi “İnstagram” səhifəsinə abunə olması lazımdır.

Püşkatmanın şərtlərinə əsasən, dekabrın 25-də saat 14:00-da https://www.instagram.com/kutaisi_airport/?hl=en “İnstagram” səhifəsində sual qoyulacaq. Paylaşıma ilk düzgün cavabı yazan şəxs işarələnmiş dostu ilə birlikdə 2026-cı ildə Venesiyaya səyahət edəcək. Qalib Kutaisi – Venesiya – Kutaisi marşrutu üzrə biletləri açıq tarixlə qazanacaq. Püşkatmada 18 yaşı keçmiş şəxslər iştirak edə bilərlər.

Qeyd edilməlidir ki, Kutaisinin Davit Ağmaşenebeli adına Beynəlxalq Hava Limanından Venesiyaya yeni marşrut dekabrın 2-dən əlavə edilib. Birbaşa müntəzəm reyslər həftədə iki dəfə həyata keçirilir. Yeni marşrutun istifadəyə verilməsi Kutaisi Beynəlxalq Hava Limanının əlçatanlığını daha da artırır və Gürcüstanın Avropa ilə hava əlaqələrini gücləndirir.