Gürcüstanın daimi nümayəndəsi, səfir Xatia Tsilosani etimadnaməsini Avropa Şurasının baş katibi Alen Berseyə təqdim edib.

Gürcüstanın Xarici İşlər Nazirliyinin məlumatına əsasən, etimadnamələrin təqdim olunmasından sonra tərəflər arasında baş tutan görüşdə Xatia Tsilosani Avropa Şurasının baş katibinə Gürcüstanın ərazi bütövlüyü və suverenliyinə qəti və sarsılmaz dəstəyə görə təşəkkür edib, baş katibin Gürcüstanda münaqişə haqqında konsolidə edilmiş hesabatları və Nazirlər Komitəsinin qərarları bunun aydın təzahürüdür.

“Gürcüstan Avropa ailəsinin həqiqi üzvü kimi Avropa Şurası ilə dialoqu fəal və konstruktiv şəkildə davam etdirməyə və ölkənin ən yaxşı maraqlarını qorumaqla insan hüquqlarının, demokratiyanın və qanunun aliliyinin möhkəmlənməsinə töhfə verməyə tam hazırdır” – Gürcüstanın səfiri Xatia Tsilosani bildirib.

Xarici İşlər Nazirliyinin məlumatına əsasən, baş katib Gürcüstanın səfirinə Gürcüstanla mövcud uğurlu əməkdaşlığın daha da dərinləşdirilməsi və gücləndirilməsi üçün Avropa Şurasının və özünün şəxsi hazırlığını təsdiqləyib. Tərəflər, həmçinin, ölkə daxilindəki cari hadisələr və gələcək əməkdaşlıq planları haqqında danışıblar.