Vaşinqtona səfəri çərçivəsində Gürcüstanın birinci xanımı Tamar Baqrationi Müqəddəs Tamarın adına olan gürcü kilsəsini ziyarət edib və məbədə Müqəddəs Georginin ikonunu hədiyyə edib.

ABŞ-da olan gürcü nümayəndə heyətinin üzvləri həmçinin Vaşinqtonda kilsənin baş keşişi, ata Pavle Zakaraiya tərəfindən keçirilən Gürcüstan patriarxı, müqəddəs və uca İkinci İliyanın ruhuna həsr olunmuş panixidada iştirak ediblər.

“Vaşinqtonda Müqəddəs Tamarın adına olan kilsəni ziyarət etdim, burada ata Pavle bizim patriarxımızın ruhuna həsr olunmuş panixida keçirdi. Mən kilsə icması ilə görüşdüm – onlar Vətən üçün darıxan, Gürcüstanı sevən insanlardır. Arzum o idi ki, kilsəyə qələbənin simvolu olan Müqəddəs Georginin ikonunu hədiyyə edim. İstəyirəm ki, bütün gürcülərə, istər xaricdə, istərsə də Gürcüstanda, qələbə və irəliləyiş arzulayım. Qoy Tanrı bizim himayədarımız olsun”, – deyə Tamar Baqrationi bildirib.

Gürcüstanın birinci xanımı Tamar Baqrationi Vaşinqtonda ABŞ-ın birinci xanımı Melaniya Trampın dəvəti ilə səfərdədir. Nümayəndə heyətinin tərkibində Gürcüstanın təhsil, elm və gənclər naziri müavini Baia Kvitsiani və Gürcüstan parlamentinin təhsil, elm və gənclər məsələləri komitəsinin sədri Mariam Laşxi də yer alır.