Gürcüstanın basketbolçulardan ibarət yığması Avropa Çempionatına hazırlaşır. Komanda hazırda Polşadadır və orada yerli komanda ilə yoxlama oyunu keçirdi və 89:94 hesabı ilə məğlub oldu.

Bu, “EuroBasket” yolunda gürcülər üçün dördüncü yoldaşlıq oyunu idi. Hər matç fərqli əhəmiyyət daşıyır, lakin İsrail, Estoniya və Litva ilə keçirilmiş qarşılaşmalara əsasən nəticə çıxarmaq çətin idi. Polşa yığması ilə matç belə bizə “EuroBasket”də gözlədiyimiz mənzərəni verməyəcək.

Kapitan Tornike Şenqelia oynamadı. Gürcüstanın yığması birinci hissəni ikinci hissədən qat-qat yaxşı oynadı. Aleksandr Cikiçin polşalılar ilə oyunda aqressiv müdafiəni sınaqdan keçirdiyi əvvəldən göründü. Rəqib perimetrdən də və üçsaniyəlik zonadan da xal qazanmaqda çətinlik çəkdi, xalların əksəriyyətini orta məsafədən atışlarla əldə edirdi.

Birinci hissədə polşalılar bir neçə dəfə cəsarətlə müdafiəyə daxil olmağa çalışdılar, lakin Bitadzenin təsirli müdafiəsi tezliklə bu istəyi də yox etdi.

O da yaxşı idi ki, birinci hissədə yığmamızın perimetrdən zərbələri oldu, ikinci hissə haqqında bunu deyə bilmərik.

İlk hissədə 51:43 hesabı ilə qalib gəldikdən sonra Gürcüstan yığması üstünlüyünü qoruyub saxlaya bilmədi, son saniyələrə qədər bərabər oyun şəraiti keçdi. Həlledici məqamda polşalılar daha yaxşı oynadılar və sonda qalib də gəldilər.

20 dəqiqəyə 18 xal qazanan Qiorqi Şermadini Gürcüstanın yığmasının bombardiri oldu, Qoqa Bitadze 14 xal, 6 ribaund, Mamukelaşvili 16 xal, 4 məhsuldar ötürmə ilə yadda qaldı.