Gürcüstanın baş naziri İrakli Ğaribaşvili Brüsselə gedib

Gürcüstanın baş naziri İrakli Ğaribaşvili Belçika Krallığına səfər edib.

İkigünlük səfər çərçivəsində Gürcüstan hökumətinin başçısı Avropa Şurasında, Avropa Komissiyasında və Avropa Parlamentində, o cümlədən NATO-da yüksək səviyyəli ikitərəfli görüşlər keçirəcək.

Görüşlərdə müzakirə olunacaq əsas məsələlər Gürcüstanın Avropa və Avro-Atlantik inteqrasiya gündəliyi, Avropa Komissiyasının sorğu vərəqəsi ilə bağlı məsələlər, eləcə də regionda təhlükəsizlik vəziyyəti olacaq.

Gürcüstanın xarici işlər naziri İliya Darçiaşvili Gürcüstanın baş naziri ilə birlikdə Aİ-yə üzv ölkələrin xarici işlər nazirləri ilə görüşlər keçirmək üçün Brüsselə gedib.

Məlumatı Gürcüstanın baş nazirinin mətbuat xidməti yayıb.