Gürcüstanın Almaniyadakı səfiri Aleksandre Kartozia Almaniya Prezidenti Frank-Valter Ştaynmayerə etimadnaməsini təqdim edib
Gürcüstanın Almaniya Federativ Respublikasındakı fövqəladə və səlahiyyətli səfiri Aleksandre Kartozia Almaniya Prezidenti Frank-Valter Ştaynmayerə etimadnaməsini təqdim edib.
Bu barədə Gürcüstan Xarici İşlər Nazirliyi məlumat yayıb.
Məlumata görə, Aleksandre Kartozia 2025-ci ilin sentyabrında Gürcüstanın Almaniyadakı fövqəladə və səlahiyyətli səfiri təyin edilib.
Bu məsələ ilə bağlı bu gün Gürcüstanın Baş naziri İrakli Kobaxidze də açıqlama verib. Baş nazir bildirib ki, Almaniyanın Gürcüstandakı səfirinin dəyişməsi və Gürcüstanın Almaniyadakı səfirinin Almaniya Prezidentinə etimadnaməsini təqdim etməsi iki ölkə arasında münasibətlərin yenidən canlandırılmasına töhfə verəcək.