Gürcüstanda rəsmi səfərdə olan Koreya Respublikasının parlament nümayəndə heyətinin üzvləri Tserovani məcburi köçkün qəsəbəsində olublar

Gürcüstanda rəsmi səfərdə olan Koreya Respublikasının parlament nümayəndə heyətinin üzvləri Tserovani məcburi köçkün qəsəbəsində olublar.

İşğal olunmuş ərazilərdən olan məcburi köçkünlər, əmək, səhiyyə və sosial müdafiə nazirinin müavini Qiorqi Tsaqareişvili və Məcburi Köçkünlər Agentliyinin direktoru Davit Kaikatsişvili nümayəndə heyətinin üzvlərinə qəsəbədə yaşayan əhali üçün yaradılmış şərait, cari layihələr və dövlət dəstəyi mexanizmləri barədə yerində məlumat veriblər.

Qurumun məlumatına əsasən, səfər çərçivəsində qonaqlar Tserovani ictimai məktəbinə də baxış keçiriblər, tədris mühiti və şagirdlər üçün yaradılan şəraitlə tanış olublar. Həmçinin qəsəbədə yaşayan ailələrə və uşaqlara müxtəlif istiqamətlərdə göstərilən xidmətlər haqqında ətraflı məlumat alıblar.

Qonaqlar məcburi köçkün ailəsi ilə də görüşərək onların yaşayış mühiti və təcrübələri ilə tanış olublar. Tserovanidə keçirilən görüşdə yerli bələdiyyə nümayəndələri də iştirak edirdilər.