Gürcüstanın Milli Ətraf Mühit Agentliyinin məlumatına görə, 3 aprel gününün sonlarından 5 aprelinədək ölkənin bəzi bölgələrində fasiləli yağışlar, bəzi yerlərdə isə güclü yağışlar gözlənilir. Şimşək çaxması və küləyin güclənməsi ehtimalı var.

Sinoptiklərin xəbərdarlığına görə, 5-6 apreldə şimal-qərbdən əsən güclü külək Şərqi Gürcüstanda, o cümlədən Tbilisidə də müşahidə olunacaq.

“Gözlənilən yağışlar nəticəsində çaylarda suyun səviyyəsinin əhəmiyyətli dərəcədə yüksəlməsi, dağlıq ərazilərdə qar uçqunlarının yaranması, hündürlük və təpəlik zonalarda isə sürüşmə və torpaq eroziyası proseslərinin aktivləşməsi mümkün ola bilər. Təhlükə səviyyəsi orta hesab olunur,” – deyə məlumatda bildirilir.