Gürcüstan Xidmət Agentliyi (Daxili İşlər Nazirliyinin Xidmət Agentliyi) sürücülük vəsiqəsi almaq üçün müəyyən edilmiş 365 günlük müddəti yaxın zamanda bitən şəxslər üçün imtahanın rezervasiya prosesini sadələşdirir.

365 günlük müddəti yaxın zamanda başa çatan vətəndaşlar agentliyin 1272 qaynar xətti vasitəsilə məlumatlarını qeyd edə və imtahana çıxmaq imkanından yararlana bilərlər.

Eyni zamanda, agentlik praktiki imtahanın rezervasiya qaydalarını da açıqlayıb. Bu qaydalar son imtahandan keçən vaxtdan asılı olaraq müəyyən edilir:

Planlı rezervasiya – son imtahandan 30 gündən çox vaxt keçən namizədlərə şamil olunur;
Qeyri-planlı rezervasiya – son imtahandan 30 gündən az vaxt keçən namizədlərə şamil olunur.

Məlumatı agentliyin mətbuat xidməti yayıb.