Fevralın 7-də dərc olunacaq yenilənmiş Yunanıstan qaydalarına əsasən, Gürcüstan vətəndaşları Yunanıstana gedə biləcək ölkələrin siyahısına əlavə olunacaq, – Gürcüstan Xarici İşlər Nazirliyinin Konsulluq Departamentinin yaydığı məlumatda deyilir.

“Bundan əlavə, Gürcüstan vətəndaşları Yunanıstana gedə bilərlər, əgər: Yunanıstana gedən sərnişin aşağıdakı şərtlərdən birinə cavab verirsə:

Gedişdən ən azı 14 gün əvvəl peyvənd olunub və ya son peyvənd dozasından sonra doqquz (9) ay ərzində etibarlı peyvənd sertifikatına malikdir.

Və ya diaqnozdan sonra 14-cü gündə verilmiş Covid-19-dan sağalma sənədi təqdim edirsə – 180 gün müddətinə.

Ya səyahətdən 72 saat əvvəl həyata keçirilən mənfi molekulyar testi (PCR), ya da iyirmi dörd (24) saat əvvəl aparılan sürətli antigen testinə mənfi cavabı təqdim edirsə.

Bütün sərnişinlərdən Yunanıstana getməzdən əvvəl PLF formasını doldurmaları tələb olunur”, – Gürcüstan Xarici İşlər Nazirliyinin Konsulluq Departamentinin bəyanatında deyilir.

Konsulluq Departamenti qeyd edir ki, Yunanıstana səyahət edən bütün şəxslər üçün gedişə 24 saat qalmış aşağıdakı internet saytında elektron ərizə doldurması məcburidir: https://travel.gov.gr/#/. Ailə üzvləri birgə formanı doldura bilərlər.

“Nəzərə alın ki, pandemiya zamanı səyahət qaydaları sürətlə dəyişir. Məlumatı aşağıdakı internet saytlarında yoxlamaq olar: link 1, link 2 “, – Gürcüstan Xarici İşlər Nazirliyinin Konsulluq Departamentindən bildiriblər.