Gürcüstan və Azərbaycandan keçməklə Rusiyadan Ermənistana propan və gübrə partiyası göndərilib

Gürcüstan və Azərbaycandan keçməklə Rusiyadan Ermənistana propan və gübrə partiyası göndərilib. Bu barədə məlumatı Azərbaycan mediası yayır.

14 vaqondan ibarət, çəkisi 470 ton olan propan və 5 vaqondan ibarət, çəkisi 339 ton olan gübrə bu gün Biləcəri stansiyasından Böyük Kəsik istiqamətinə yola salınıb.

İndiyə qədər Rusiyadan Ermənistana Azərbaycan və Gürcüstandan tranzit keçməklə 36 min tondan çox taxıl, 8 min tona yaxın gübrə, 1136 ton propan, 133 ton alüminium və 414 ton antrasit göndərilib.

Eyni zamanda, Gürcüstandan keçməklə Azərbaycandan Ermənistana indiyədək 14 min tondan çox dizel və 5 min tona yaxın Aİ-92 və Aİ-95 benzini ixrac olunub.