Gürcüstan Radiosunun 101 yaşı tamam oldu. 1925-ci il mayın 23-də Gürcüstanda ilk radio yayımı başladı.

2025-ci ildə Gürcüstan Radiosunun 100 illik yubileyi qeyd olundu və ona qeyri-maddi mədəni irs abidəsi statusu verildi. Texnologiyaların və rəqəmsal platformaların inkişafına baxmayaraq, radio bu günə qədər öz dinləyicisini, mövqeyini və aktuallığını itirmir. Gürcüstanın Birinci Kanalının yeni tərtibatı “1925-ci ildən yayımdadır” konsepsiyasına əsaslanır.

Gürcüstan Radiosu Avropanın ən qədim radio stansiyalarından biridir. Onun “Qızıl fondu” ölkənin səsli salnaməsidir və burada dünya əhəmiyyətli unikal yazılar saxlanılır. Bunların arasında gürcü və xarici yazıçıların, ictimai və siyasi xadimlərin səs yazıları da var.

Bu gün Gürcüstan Radiosunun iki kanalının siqnalını ölkənin bütün ərazisində dinləmək mümkündür — əsas radio FM 102.3 tezliyində, “Gürcüstan Radio Musiqi” isə FM 100.9 tezliyində yayımlanır.