Gürcüstan prezidenti Mixeil Qavelashvili Amerika Birləşmiş Ştatlarına səfər edib. Mixeil Qavelashvili Nyu-Yorka səfəri çərçivəsində BMT Baş Assambleyasının 80-ci sessiyasında çıxış edəcək. Məlumatı Gürcüstan Prezidentinin Administrasiyasının mətbuat xidməti yayıb.

Məlumata görə, ABŞ-a səfər çərçivəsində yüksək səviyyəli ikitərəfli görüşlər planlaşdırılıb. Gürcüstan prezidenti BMT-nin baş katibi Antonio Quterreşlə görüş keçirəcək.

Gürcüstan prezidenti, həmçinin ABŞ prezidenti Donald Tramp və onun həyat yoldaşı Melaniya Trampın adından Baş Assambleyanın 80-ci sessiyasının iştirakçı nümayəndə heyətlərinin rəhbərlərinin şərəfinə təşkil olunacaq rəsmi qəbulda iştirak edəcək.

Mixeil Qavelashvili Amerika Birləşmiş Ştatlarında 21–26 sentyabr tarixlərində olacaq.