Gürcüstanın kibertəhlükəsizlik məsələləri ilə məşğul olan idarələrarası nümayəndə heyəti NATO-nun Kibermüdafiə Komitəsinin iclasında iştirak edib. Müdafiə Nazirliyinin Kibertəhlükəsizlik Bürosunun, Milli Təhlükəsizlik Şurasının və Ədliyyə Nazirliyinin Rəqəmsal İdarəetmə Agentliyinin nümayəndələri tədbir iştirakçılarına Gürcüstan kiberməkanda mövcud problemlər və onlarla idarə səviyyəsində mübarizə yolları barədə məlumat veriblər. Bu barədə Gürcüstanın Müdafiə Nazirliyi məlumat yayıb.

“Görüşün məqsədi NATO-ya üzv və tərəfdaş ölkələrin, Finlandiya və İsveçin nümayəndələrini Gürcüstanda aparılan və davam edən kibertəhlükəsizlik islahatları haqqında məlumatlandırmaq olub. Şimali Atlantika Alyansı Gürcüstana sektorun transformasiyasında dəstəyini və onun NATO standartlarına uyğunluğunu bir daha təsdiqlədi. NATO tərəfi NATO-Gürcüstan Əsas Paketi (SNGP) kimi mövcud uğurlu əməkdaşlıq modellərini vurğuladı. Alyans həmçinin gələcəkdə kibertəhlükəsizlik sahəsində fəal əməkdaşlığı davam etdirməyə hazır olduğunu bildirib”, – Müdafiə Nazirliyi bildirib.