Gürcüstan Parlamenti Qriqol Murğulia və Davit Kartvelişvilini İctimai Yayımçının Qəyyumlar Şurasının üzvü seçib

Gürcüstan Parlamenti İctimai Yayımçının Qəyyumlar Şurasının iki üzvünü – Qriqol Murğulia və Davit Kartvelişvilini seçib.

Qriqol Murğulia “Gürcü Arzusu” fraksiyası tərəfindən namizəd göstərilmişdi, onun namizədliyini 82 nəfər dəstəklədi, dördü isə əleyhinə səs verdi.

“Xalqın Gücü”nün namizədi Davit Kartvelişvilini 83 səslə Qəyyumlar Şurasının üzvü seçdilər.

Bununla yanaşı, “Gürcüstan Naminə” fraksiyası tərəfindən irəli sürülən üç namizəd də səsverməyə çıxarılıb: Tea Qeqenava (12 lehinə, 5 əleyhinə), Eliso Qabadadze (12 lehinə, 8 əleyhinə) və Teimuraz Kekelidze (12 lehinə, 7 əleyhinə), lakin onlar yetərli səs toplaya bilməyiblər.