“Dəyişiklik Naminə Koalisiyası”nın liderlərindən biri Nika Melianın saxlanılması dırnaqarası hakimiyyət vertikalında mövcud sistemli böhranın təsdiqlənməsindən başqa bir şey deyil – bu barədə “Güclü Gürcüstan”ın bəyanatında deyilir.

“Güclü Gürcüstan”ın bəyanatında qeyd olunduğu kimi, “Lelo-Güclü Gürcüstan” koalisiyası Nika Melia və onun siyasi komandasına dəstəyini ifadə edir.

“Rus hakimiyyəti siyasi rəqiblərinə qarşı təqibi yeni miqyaslara çatdırır. Rejim elə panika yaşayır ki, formal şəkildə belə artıq məhkəmə zalında qurulacaq farsı gözləmir. Elan edilmiş repressiyalar fonunda “Gürcü Arzusu” artıq siyasi rəqiblərin küçədən qaçırılmasına başlayıb. “Dəyişiklik Naminə Koalisiyası”nın liderlərindən biri Nika Melianın saxlanılması dırnaqarası hakimiyyət vertikalında mövcud sistemli böhranın təsdiqlənməsindən başqa bir şey deyil. Görünür, İvanişvili rejimi müxalifət liderlərini “zərərsizləşdirmək” məqsədilə əlində olan bütün alətlərdən istifadə edəcək. “Lelo-Güclü Gürcüstan” koalisiyası Nika Melia və onun siyasi komandasına dəstəyini ifadə edir” – “Güclü Gürcüstan”ın bəyanatında deyilir.

“Dəyişiklik Naminə Koalisiyası”nın mətbuat xidmətində Nika Melianın saxlanıldığını bildirirlər. Nika Melianın saxlanılmasını vəkil Qiorqi Kondaxişvili də təsdiqləyib, lakin bunun səbəbini dəqiqləşdirə bilmir.

Məlumat üçün bildirək ki, müvəqqəti istintaq komissiyasının iclasında iştirak etmədiyinə görə, Nika Melianın barəsində aprelin 29-da 50 000 lari girov təyin edilib. İlkin məhkəmə iclası mayın 29-na təyin edilmişdi, lakin mayın 30-na təxirə salındı.