"Guardian" - Tramp administrasiyası sentyabrın 30-dək USAID-in xaricdə yerləşən bütün şöbələrini ləğv edəcək

15:31, 11.06.2025

Tramp administrasiyası sentyabrın 30-dək USAID-in xaricdə yerləşən bütün şöbələrini ləğv edəcək. Bu barədə məlumatı “Guardian” yayır.

“Guardian”ın əldə etdiyi Dövlət Departamentinin məlumatına əsasən, dövlət katibi Marko Rubio agentliyin bütün beynəlxalq işçi qüvvəsinin ləğv edilməsini əmr edib.

Qərara əsasən, xarici yardım proqramlarına nəzarət birbaşa Dövlət Departamentinə ötürüləcək. Direktiv bütün dünyada USAID-in yüzlərlə əməkdaşına təsir göstərəcək, o cümlədən 100-dən çox ölkədə çalışan podratçılara və yerli işçilərə.

Medianın məlumatına əsasən, ABŞ səfirliklərində missiyaların rəhbərlərinə genişmiqyaslı dəyişikliklərə hazırlaşmaq tapşırılıb.

Müəllif - Sevinj Mustafaeva

Dünya