Milan və Kortina d’Ampezzoda XXV Qış Olimpiya Oyunları start götürür. Olimpiya məşəli Milanda, “San Siro” stadionunda alovlandırılacaq. Oyunların açılış mərasimi saat 23:00-dan etibarən Gürcüstanın Birinci Kanalında canlı yayımlanacaq.

2026-cı il Olimpiadasında 16 intizam üzrə (8 idman növü) 116 medal dəsti uğrunda mübarizə aparılacaq. Proqram genişləndirilib və tarixdə ən miqyaslı Qış Olimpiya Oyunlarının şahidi olacağıq. 2022-ci ildə Pekində keçirilən Olimpiadada 7 idman növü və 15 intizam üzrə (109 medal dəsti) yarışlar təşkil olunmuşdu.

Gürcüstan yığması 2026-cı il Qış Olimpiya Oyunlarında 8 idmançı ilə təmsil olunacaq. Onlardan 6-sı fiqurlu konkisürmə, 2-si isə dağ xizəyi üzrə mübarizə aparacaq.

Gürcüstan yığmasının heyəti:

Nika Ekadze, Anastasiya Gubanова, Luka Berulava, Anastasiya Metelkina, Qleb Smolkin, Diana Devis (fiqurlu konkisürmə), Nino Tsiklauri, Luka Buçukuri (dağ xizəyi).

Fiqurlu konkisürmə üzrə Gürcüstan yığması turnirin əsas favoritlərindən biri hesab olunur. Metelkina–Berulava cütlüyü yanvar ayında Avropa çempionu olub. Qitə birinciliyində fərdi yarışlarda qızıl medalı həmçinin Nika Ekadze qazanıb.