“Müqavimət hərəkatının gücləndirilməsi bizim prioritetlərimizdən biridir, o cümlədən bu seçkilərə qatılmaqla,” – bunu “Lelo – Güclü Gürcüstan” koalisiyasının üzvü Giorgi Sioridze bildirib.

Onun sözlərinə görə, müqavimət hərəkatı və küçə etirazı alternativ deyil, gücləndirilməli olan paralel bir prosesdir.

“Bizim siyasi partiyamız konkret bir yol seçib. Məqsədimiz yeni qaydalarla, yeni administrasiya ilə yeni parlament seçkilərinə nail olmaq və vicdan məhbuslarının azadlığa buraxılmasıdır. Hazırda biz bu mübarizəyə 4 oktyabr de-fakto seçkiləri adlanan prosesə qatılmaqla daxil olmağı görürük. Həmişə demişik ki, müqavimət hərəkatının gücləndirilməsi bizim prioritetlərimizdən biridir, o cümlədən bu seçkilərə qatılmaqla. Müqavimət hərəkatı, küçə etirazı – alternativ deyil, davam edən və gücləndirilməli olan paralel bir prosesdir. Müqavimət hərəkatı gücləndirilməlidir, digər partiyaların başqa baxışları var. Küçə etirazlarının və etiraz hərəkatının hər cür gücləndirilməsi yaxşıdır. Konkret partiyanın planları və 4 oktyabrda ictimaiyyətin necə cəmləşəcəyi barədə şərh verə bilmərəm. Düşünürük ki, hər kəs bizi birləşdirən məqsədə çatmaq üçün öz yolu ilə gedəcək,” – deyə Giorgi Sioridze bildirib.