Müxalifət partiyaları hansı yeniliyi elan etsələr də, onların etdikləri hər şey ümidsiz bir cəhd olacaq. Əslində, biz artıq hər şeyi görmüşük. Belə bəyanatları əvvəllər də eşitmişik — o cümlədən xalqla işləyəcəklərini demişdilər, amma nəticədə onların heç bir dəstəyi olmadığını gördük,” – Gürcüstan Parlamentinin vitse-spikeri Giorgi Kaxiani bildirib.

Onun sözlərinə görə, onların heç bir seçki (elektorat) potensialı da yoxdur.

“Sanki siyasi fəaliyyətdə yenilik gətirməyə çalışırlar, amma bu, zəif bir cəhddir. 26 Mayla bağlı və son hadisələr zamanı, məsələn, patriarxın vəfatı günlərində hamı gördü ki, ölkə əhalisi üçün hansı dəyərlər vacibdir və cəmiyyətimiz hansı prinsiplər üzərində dayanır. Görünür, bundan sonra radikal müxalifət də müəyyən mövzular üzərində düşündü və siyasətinə yenilik gətirməyə qərar verdi, amma bu, ikiüzlülükdür. Onların siyasətini qurduğu dəyərlər cəmiyyətimizin dayandığı dəyərlərlə tam ziddiyyət təşkil edir,” – deyə Giorgi Kaxiani vurğulayıb