Gürcüstanda radikal qüvvə mövcuddur, amma müxalifət yoxdur. Ölkənin heç vaxt bu qüvvə tərəfindən təhdid olunmaması üçün hər şeyi etməliyik, – bu barədə Parlamentin Mədəniyyət Komitəsinin sədri Giorgi Gabunia bildirib.

Giorgi Gabunia deyib ki, Gürcüstan milli maraqlara əsaslanan siyasət yürüdür, radikal qüvvə isə anti-milli və xaricdən idarə olunur.

“Gürcüstan heç vaxt xaricdən idarə olunan qüvvənin hakimiyyətə gəlməsinə icazə verməməlidir, onlar özü də etiraf edirlər ki, xaricdən idarə olunurlar, daimi əlaqələri var xarici maliyyələşdiricilər və patronlarla. Bu insanlar təhdid edirlər ki, hakimiyyətə gələcəklər, sizə soruşuram, necə gələcəklər? Seçkilərdə iştirak etmirlər, parlamentə daxil olmurlar. Onların yeganə məqsədi zorakılıq və inqilabi proseslərdir. Onlar qanuni siyasi məkanın xaricinə çıxıblar. Bu qüvvələr siyasi prosesdə iştirak etmir, buna görə onların yeganə məqsədi dağıdıcı və radikal olmaqdır, buna ölkə icazə verməyəcək. Sanki bu sözlər köhnəlib, amma baxın, xaricdə nə baş verir, istəsəniz şimalda, istəsəniz cənubda, hər yerdə müharibə var. Ölkəmizin ətrafında hər yerdə mərmi atılıb və bu çətin şəraitdə Gürcüstanda yalnız sülh deyil, həm də iqtisadiyyat inkişaf edir”, – deyə Giorgi Gabunia bildirib.