Almaniyanın Xarici İşlər Nazirliyinin nümayəndəsi bildirib ki, texniki nasazlıq səbəbindən Salome Zurabişvilinin prezident kimi göstərildiyi veb-səhifə yenilənməyib – bu barədə parlamentin birinci vitse-spikeri Gia Volski açıqlama verib.

Gia Volski ümid etdiyini bildirib ki, Almaniyanın Xarici İşlər Nazirliyi bu nasazlığı tezliklə aradan qaldıracaq.

“Şübhə üçün əsasımız var ki, bu, müəyyən mənada onların ölkəmizdəki səfirinin fəaliyyəti ilə bağlı bildirdiyimiz haqlı narazılığa cavab ola bilər. Lakin yüksək səviyyəli nümayəndə bunun texniki səhv olduğunu deyirsə, biz də bunu texniki səhv kimi qəbul edək. Həm dünya ictimaiyyətinə, həm də cəmiyyətimizə bildirək ki, Almaniyanın Xarici İşlər Nazirliyinin saytında Gürcüstanla bağlı məlumatın yenilənməməsi texniki xətadan başqa bir şey deyil. Bu, yaxşı cavabdır və ümid edirəm ki, bu çatışmazlıq tezliklə aradan qaldırılacaq”, – deyə Gia Volski bildirib.