“Georgian Airways” – 16 və 17 iyun tarixlərində Tbilisi–Təl-Əviv–Tbilisi marşrutu üzrə planlaşdırılan reyslər ləğv olunub, sərnişinlər bileti dəyişdirmək və ya pulun geri qaytarılmasını tələb edə bilərlər

“Hazırda Yaxın Şərqdə yaranmış vəziyyətlə əlaqədar olaraq, “Georgian Airways” sərnişinlərə müraciət edir.

Bildirmək istəyirik ki, təhlükəsizlik səbəblərindən 16 və 17 iyun tarixlərində Tbilisi–Təl-Əviv–Tbilisi marşrutu üzrə planlaşdırılmış reyslər ləğv edilib. Bu reyslər üçün artıq bilet almış sərnişinlərə biletlərini dəyişdirmək və ya vəsaitin tam geri qaytarılmasını təklif edirik.

Biletlərin dəyişdirilməsi və ya pulun qaytarılması biletin alındığı yerdə həyata keçirilə bilər.

“Georgian Airways” bildirir ki, Təl-Əviv istisna olmaqla, digər istiqamətlər üzrə bütün reyslər plan üzrə, fasiləsiz şəkildə həyata keçirilir.” – deyə şirkətin məlumatında qeyd olunur.