İlkin qiymətləndirmələrə əsasən, Kursebi kəndində köhnə sürüşmə kütləsinin yenidən aktivləşməsi prosesi baş verir – bu haqda geoloq Anri Namiceişvili deyib.

O, hazırda sürüşmə prosesinin aktiv fazada olduğunu və müşahidənin davam etdiyini bildirib.

“Milli Ətraf Mühit Agentliyinin Geologiya Departamentinin mütəxəssislərdən ibarət üç qrupu martın 12-si səhər saatlarından Tğibuli Munisipalitetinin Kursebi kəndində inkişaf edən sürüşmə proseslərinin monitorinqini aparır.

İlkin qiymətləndirmələrə əsasən, köhnə sürüşmə kütləsinin yenidən aktivləşməsi baş verir. Torpaq sürüşməsinin hərəkətinin dinamikasını və zonalarını müəyyən etmək üçün sahədə piyada geoloji müşahidələr və dronla monitorinq aparılır.

Digər dövlət qurumları ilə birlikdə, Geologiya Departamentinin əməkdaşları əhalini fəlakət zonasından təhlükəsiz şəkildə təxliyə ediblər. Bu mərhələdə sürüşmə prosesi aktiv fazadadır və biz onu müşahidə etməyə davam edirik” – Namiceişvili bildirib.