Maliyyə Nazirliyinin Gəlirlər Xidmətinin gömrük-keçid məntəqəsində, “Poti və Ğulevi limanları və Poti Azad Sənaye Zonası”, Almaniyadan və Misirdən gətirilmiş dondurulmuş toyuq əti və şirin kartof (batat) yüklü avtonəqliyyat vasitələri saxlanılıb. Bu barədə məlumatı Gəlirlər Xidməti yayır.

Qanunvericilikdə nəzərdə tutulmuş sərhəd-karantin nəzarəti prosedurlarının həyata keçirilməsi zamanı, xüsusən fiziki yoxlama/baxış zamanı şirin kartofun 70%-nin qida üçün yararsız olduğu aşkar edilib, nəticədə yük tamamilə məhv edilib.

Bununla yanaşı, gömrük nəzarəti çərçivəsində 27 000 kq dondurulmuş toyuq ətindən götürülmüş nümunələrdə laboratoriya tədqiqatı nəticəsində patogen mikroorqanizm – salmonella aşkar edilib. Gürcüstan hökumətinin 2019-cu ilin 20 sentyabr tarixli №463 qərarına uyğun olaraq, qeyd olunan mal (dondurulmuş toyuq əti) ixrac edən ölkəyə geri qaytarılacaq.