Gəlirlər Xidməti bəyanat yayır və yanvarın 5-6-da adi rejimdə göstəriləcək xidmətlərin siyahısını dərc edir.

“Maliyyə Nazirliyinin Gəlirlər Xidməti nəzərinizə çatdırır ki, Gürcüstan hökumətinin 2025-ci ilin 23 dekabr tarixli 563 nömrəli fərmanı və Gəlirlər Xidmətinin Daxili Qaydalarını nəzərə almaqla, 2026-cı ilin yanvarın 5 və 6-da rəsmiləşdirmə iqtisadi zonaları, gömrük buraxılış məntəqələri, rəsmiləşdirmə şöbələri, gömrük dəyəri və malın təsnifatı idarəsi, sanitariya, fitosanitar və baytarlıq nəzarəti idarəsinin sərhəd inspeksiya şöbələri və Gömrük Tranziti İdarəsi (telefon rabitəsi, çat və digər distant kanallar vasitəsilə maraqlı şəxslərə gömrük prosedurları ilə bağlı gömrük formallıqları haqda məlumat verilməsi/ondan istifadə ilə bağlı məsləhətlərin göstərilməsi/gömrük proseduru ilə əlaqəli prosedur məsələləri və cari proseslər haqda məlumatlandırma) fəaliyyətlərini adi rejimdə davam etdirəcəklər.

Qeyd olunan tarixlərdə saat 18:00-dək göstərilən xidmətə görə Gürcüstan hökumətinin 2010-cu ilin 30 mart tarixli №96 qərarı ilə müəyyən edilmiş tariflər ikiqat artırılmayacaq” – Gəlirlər Xidmətinin bəyanatında deyilir

Bununla yanaşı, Gəlirlər Xidmətinin məlumatına əsasən, 2026-cı ilin yanvarın 5 və 6-da Gürcüstan miqyasında Maliyyə Nazirliyinin Gəlirlər Xidmətinin Xidmət Departamentinin xidmət mərkəzləri və 2 299 299 nömrəli məlumat telefon mərkəzi fəaliyyət göstərməyəcək.