Geka Geladze Ermənistan Xarici Kəşfiyyat Xidmətinin rəhbəri Kristine Qriqoryanı qəbul edib

Gürcüstan Dövlət Təhlükəsizlik Xidmətinin rəhbəri Geka Geladze Ermənistan Respublikasının Xarici Kəşfiyyat Xidmətinin rəhbəri Kristine Qriqoryanı qəbul edib.
Dövlət Təhlükəsizlik Xidmətinin məlumatına görə, rəsmi səfər çərçivəsində iki qurumun rəhbərləri arasında işgüzar görüş keçirilib. Görüş zamanı Gürcüstan və Ermənistan arasında mövcud olan möhkəm dostluq münasibətləri və bu əlaqələrin daha da dərinləşdirilməsi perspektivləri müzakirə olunub.
Beynəlxalq təhlükəsizlik qarşısında mövcud çağırışların aradan qaldırılması prosesində iki ölkənin kəşfiyyat və təhlükəsizlik strukturları arasında konstruktiv dialoq və sıx əməkdaşlığın əhəmiyyəti vurğulanıb.
Kristine Qriqoryan gürcü həmkarına səmimi qəbula görə təşəkkür edib və prioritet istiqamətlər üzrə əməkdaşlığın daha da dərinləşdirilməsinə hazır olduğunu bildirib.
Gürcüstana səfəri çərçivəsində Kristine Qriqoryan nümayəndə heyəti ilə birlikdə Kəşfiyyat Agentliyinə baş çəkib və qurumun rəhbər şəxsləri ilə işgüzar görüş keçirib.