Qazaxıstanın vitse-baş naziri – Aktauda baş vermiş təyyarə qəzasının ilkin səbəbini müəyyən etmək imkansızdır, mütəxəssislər işlər aparacaqlar və o zaman aydın olacaq

 
Aktauda baş vermiş təyyarə qəzasının ilkin səbəbini müəyyən etmək imkansızdır – bu haqda Qazaxıstanın vitse-baş naziri Kanat Bozumbayev bildirib. Məlumatı Azərbaycan mediası yayır.

“Hətta ilkin səbəbi müəyyən etmək belə imkansızdır, çünki bunun üçün mütəxəssislər var, onlar işlər aparacaqlar, o zaman aydın olacaq. İndi heç nə deyə bilmərəm” – Kanat Bozumbayev bildirib.

Qazaxıstanın vitse-baş naziri qeyd edib ki, təyyarə yerli vaxtla saat 11:02-də Qazaxıstanın hava məkanına daxil olub, lakin onunla əlaqə saat 11:28-də kəsilib, hadisə isə saat 11:37-də baş verib.

Bakıdan Qroznıya uçan və istiqamətini dəyişən “Azərbaycan Hava Yolları”na məxsus sərnişin təyyarəsi Aktau Hava Limanının 3 kilometrliyində qəzaya uğrayıb. Göyərtədə 62 sərnişin və beş ekipaj üzvü olub. Hadisə nəticəsində 35 nəfər həlak olub, təyyarənin qəzaya uğramasının səbəbləri ilə bağlı istintaq aparılır. Hadisə ilə əlaqədar dekabrın 26-sı Azərbaycanda matəm günü elan edilib.