Kanadanın Vankuver şəhərində FIFA-nın 76-cı Konqresindən əvvəl dünya futbolunu idarə edən qurumun şurasının iclasında Gürcüstan və Ermənistanın 2029-cu ildə FIFA-nın 20 yaşadək (U-20) futbolçular arasında dünya çempionatına ev sahibliyi edəcəyinə qərar verildi.

Gürcüstan və Ermənistan 2024-cü ilin iyun ayında FIFA-nın 2029-cu ilin 20 yaşadək (U-20) futbolçular arasında dünya çempionatına ev sahibliyi etmək üçün birgə müraciət təqdim ediblər. Bu, Gürcüstan və Ermənistan futbol federasiyaları prezidentlərinin çıxış etdiyi Yerevanda keçirilən brifinqdə məlum oldu.

FIFA-nın 20 yaşadək (U-20) futbolçular arasında dünya çempionatı 1977-ci ildən bəri hər iki ildən bir keçirilir. Final mərhələsində 24 komanda iştirak edir.

Qeyd etmək lazımdır ki, müstəqil gürcü futbolu tarixində Gürcüstan U-20 Dünya Kuboku şəklində FIFA-nın himayəsi altında keçirilən dünya səviyyəli turnirə ilk dəfə olaraq ev sahibliyi edəcək.

Ev sahibi şəhərlər, stadionlar və turnirlə bağlı digər təşkilati və texniki detallar haqqında məlumat daha sonra məlum olacaq.

Levan Kobiaşvili – “Müstəqil gürcü futbolunun tarixində ilk dəfə olaraq FIFA-nın himayəsi altında keçiriləcək dünya səviyyəli turnirə ev sahibliyi etmək əlamətdar hadisədir. Bu, ölkələrimiz və futbolumuz üçün çox vacib turnirdir və şadam ki, bu layihə üzərində birlikdə çalışmalı olacağıq. Bütün futbol azarkeşlərini təbrik edirəm və əminəm ki, bu turnir də futbolumuzun inkişafı işində yaxın keçmişdə ev sahibliyi etdiyimiz beynəlxalq turnirlərin qoyduğu kimi, eyni dərəcədə müsbət iz buraxacaq”.