Fridrix Merts – İrana zərbələr endirməklə və nüvə silahının hazırlanmasının qarşısını almaqla, İsrail bizim hamımız üçün çirkli işi görür 

Almaniyanın kansleri Fridrix Merts bildirib ki, İrana zərbələr endirməklə və nüvə silahının hazırlanmasının qarşısını almaqla, İsrail “bizim hamımız üçün “çirkli işi” görür”.

Alman mediası ZDF-ə müsahibəsində kanslerdən İsrailin bütün dünyanın xeyrinə “çirkli işi” görməsi fikri ilə razı olub-olmadığını soruşublar. Merts sual verilərkən “çirkli iş” ifadəsinin işlədilməsinə görə minnətdar olduğunu deyib.

“İran rejimi hücumlar, qətllər, qırğın, “Hizbullah” və “HƏMAS” ilə dünyaya ölüm və dağıntı gətirdi” – Merts bildirib.

Onun qiymətləndirməsinə əsasən, 2023-cü ilin oktyabrın 7-də “HƏMAS” tərəfindən İsrailə edilmiş hücum İranın dəstəyi olmadan “mümkün olmazdı”.

​”Deyə bilərəm ki, İsrail Silahlı Qüvvələrinin və hökumətinin etməyə cəsarət göstərdiyi işə böyük hörmətim var” – Merts bildirib.

O, bildirib ki, “digər halda, bu rejimin terroru daha çox aylar və illər ərzində davam edəcəkdi və sonra, ehtimal ki, nüvə silahı onların əlinə keçəcəkdi.