Almaniyanın kansleri Fridrix Merts bildirir ki, ABŞ Prezidenti Donald Tramp Rusiyaya təzyiq etmək yoluyla Ukraynada müharibəni bitirə biləcək “əsas şəxs”dir. Bu barədə Almaniyanın kansleri Ağ Evdə ABŞ Prezidenti ilə görüşdən sonra deyib.

“Hər ikimiz bu müharibənin nə qədər dəhşətli olması ilə razılaşırıq və hər ikimiz onu çox tezliklə dayandırmaq üçün yollar axtarırıq. Mən prezidentə dedim ki, o, dünyada Rusiyaya təzyiq etməklə bunu həqiqətən edə biləcək əsas şəxsdir” – Merts bildirib.

Merts, Almaniyanın Ukraynanı dəstəkləməkdə qətiyyətli olduğunu deyib. O, həmçinin qeyd edib ki, döyüş meydanından gələn dəhşətli görüntülərə “Ukraynaya qarşı rus silahı” səbəb olur.

“Ukrayna mülki şəxslərə və enerji infrastrukturuna deyil, yalnız hərbi hədəflərə hücum edir. Fərq budur” – Merts qeyd edib.