Almaniyanın kansleri Fridrix Merts, ölkəsinin oktyabrın əvvəlində Kopenhagendə planlaşdırılan Avropa İttifaqının qeyri-rəsmi iclasından əvvəl Avropa İttifaqının İsrailə qarşı sanksiyalarını dəstəkləyib-dəstəkləməyəcəyinə qərar verəcəyini bildirib.

İspaniyanın Baş naziri Pedro Sançeslə birgə mətbuat konfransında Merts qeyd edib ki, İsrailin Qəzza sektorundakı hərəkətləri bəyan edilmiş məqsədlərə uyğun deyil.

Bununla yanaşı, Fridrix Mertsin izahatına əsasən, Almaniya hələlik Fələstin dövlətini tanımağı nəzərdən keçirmir.

Məlumat üçün bildirək ki, Avropa Komissiyası İsrailə qarşı sanksiyalara, o cümlədən bəzi ticarət imtiyazlarının dayandırılmasına dair konkret təkliflər təqdim etməyi planlaşdırır.