Fransa Avropa Parlamentinin istədiyi kimi ABŞ ilə ticarət razılaşmasının dayandırılmasını dəstəkləyir – bu haqda Fransanın xarici işlər naziri Jan-Noel Baro bildirir.

Onun sözlərinə əsasən, Fransa heç bir şantaja boyun əyməyəcək.

“Fransa Avropa Parlamentinin istədiyi kimi ABŞ ilə ticarət razılaşmasının dayandırılmasını dəstəkləyir. Təzyiq təsdiqlənərsə, Avropa müvafiq nəticə çıxaracaq. Avropa Komissiyası buna hazırlaşır və çox güclü vasitələrə malikdir” – Jan-Noel Baro sosial şəbəkədə yazır.

Bundan əvvəl Fransa mediasında Avropa Parlamentinin Avropa İttifaqı ilə Amerika Birləşmiş Ştatları arasında ticarət razılaşmasının ratifikasiya prosesini dayandırdığı barədə məlumat yayılmışdı. ABŞ və Avropa İttifaqı arasında ticarət razılaşması ötən ilin iyulunda, bir neçə ay davam edən gərginlikdən sonra imzalanıb.