Fransa Ukraynaya Fransa istehsalı olan qanadlı raketlər, idarəolunan bombalar və zenit-raket kompleksləri üçün tutucu raketlərin istehsalı lisenziyasını verib

Fransa Ukraynaya Fransa istehsalı olan qanadlı raketlər, idarəolunan bombalar və zenit-raket kompleksləri üçün tutucu raketlərin istehsalı lisenziyasını verib. Bu haqda bəyanatı Fransa Prezidenti Emmanuel Makron verib.

“A2SM, Aster 30 və SCALP-ın lisenziyalaşdırılması ilə bağlı yeni müqavilələri tamamladıq, bu da bizə bu imkanları ukraynalı dostlarımızla birlikdə və Ukrayna ərazisində daha sürətlə istehsal etməyə imkan verəcək” – Emmanuel Makron bildirib.

Fransa Prezidenti növbəti aylarda Ukraynaya qonşu ölkələrdə hərbi təlimlər keçiriləcəyini qeyd edib. Makron bu prosesin suda, quruda və havada baş tutacağını deyib.

“Bu gün növbəti aylarda keçiriləcək təlimlərlə bağlı qərar qəbul etdik. Planlarımızı təsdiqləmək və quruda, havada və dənizdə qətiyyətli və etibarlı şəkildə hazır olduğumuzu nümayiş etdirmək üçün bu təlimlər Ukraynaya qonşu ölkələrdə keçiriləcək” – Fransa Prezidenti qeyd edib.

Eyni mətbuat konfransında Böyük Britaniyanın Baş naziri Kir Starmer də danışıb. O, Böyük Britaniyanın Avropa İttifaqının Ukrayna üçün nəzərdə tutduğu 90 milyardlıq yardım krediti proqramına qoşulacağını təsdiqləyib.

“Bu razılaşma Ukraynanın ən çox ehtiyac duyduğu hərbi imkanları əldə etməyə davam etməsini təmin edəcək” – Kir Starmer bildirib.