Fransa hökuməti parlamentdə etimadsızlıq elan edilməsi ilə bağlı hər iki səsvermədən xilas olub.

Milli Assambleyada keçirilən ilk səsvermədə ifrat solçuların təqdim etdiyi etimadsızlıq elan edilməsi təşəbbüsü kifayət qədər səs toplaya bilməyib.

Xüsusilə, 271 qanunverici baş nazir Sebastian Lekornunun hökuməti üçün etimadsızlıq elan edilməsini dəstəkləyib. Təklifin təsdiqlənməsi üçün 289 səs lazım idi.

Bu gün ifrat sağçı “Milli Birlik” partiyasının təşəbbüsü ilə Milli Assambleyada hökumətə etimadsızlıq elan edilməsi ilə bağlı ikinci səsvermə keçirilib. İfrat sağçıların layihəsi 144 səs toplayıb.

Xatırladaq ki, iki gün əvvəl baş nazir Sebastian Lekornu mübahisəli pensiya islahatının dayandırıldığını açıqlamışdı, bununla da Sosialist Partiyasının dəstəyini qazandı.