Gürcüstanın Daxili İşlər Nazirliyinin Fövqəladə Halların İdarəedilməsi Xidmətinin məlumatına əsasən, yanğınsöndürən-xilasedicilər polis qüvvələri və digər bütün aidiyyəti qurumların nümayəndələri ilə birlikdə fövqəladə rejimdə işləməyə davam edirlər.

“Quriya bölgəsində altı dislokasiya məntəqəsi yaradılıb. Dislokasiya məntəqələrində yanğınsöndürən-xilasedicilərlə birlikdə, müdafiə qüvvələrinin, eləcə də polis qüvvələrinin və tibbi xidmətin nümayəndələrinin olduğu Fövqəladə Halların İdarəedilməsi Xidmətinin qərargahları yerləşir. Bütün müvafiq xüsusi texnika əraziyə səfərbər edilib.

Bəhsi keçən qərargahlarda güclü qar yağması nəticəsində yaranan problemlərlə bağlı bildirişlər qəbul edilir və xilasetmə əməliyyatlarının planlaşdırılması və həyata keçirilməsi, eləcə də tibbi yardıma ehtiyacı olan vətəndaşların yanına gedilməsi də daxil olmaqla müvafiq cavab tədbirləri görülür” – Fövqəladə Halların İdarəedilməsi Xidmətində qeyd edirlər.

Onların məlumatına əsasən, yanğınsöndürən-xilasedicilər polis qüvvələri və digər qurumların nümayəndələri ilə birlikdə mürəkkəb relyef şəraitində bir çox vətəndaşa yardım göstəriblər.